von federn und gemsn


[ SWF3 - Elmar Hörig - Rockland ]


Geschrieben von alois singerl am 30. Mai 2000 12:00:58:

Oiso, doo bin ii no amol, der oide Forumsdepp. Worum? Ganz eimpfach, weil mir der Gaul durchganga is. Oiso, ii bin jo imma no Midglied (naa, ned döös sowieso), oba im swr3 glub. Doo erfahrn mir wos, ohne den Sender z’hörn miassn. Praktisch is döös. Und jetzt hob ii des neue Magazin aus Briefkastl zogn.

Mei lliaba hob ii mir denkt, wos is jetzt döös? Der Elch mit seinem Editorial und zwoa solch scheene Männer, oana von der CEDEUU, dös dann die Brüder im Glaubm zur unsriger CSU, und oana vom SWR, der Herr Direkter vom Hörfunk. Schee wie er doo a soo grad raus lacht, ned? Mit seim buntn rotn (oha) Krawattl. Hob ii mir denkt, den kenn ii. Dös war doch der, was sich mit andern solchadn den Elchtest vom Elmi mitausdenkt hod, net? und jetzt seng mir ihn, grad a soo lustig. Und döös auf einem Bild, wia er gar so pfaffenhöfisch locht, naa is dös schee!

Hobstas gseng? Er hod Federn aufm Huat, koan Gamsbart, wie mir Bayern, oba Federn. Hobb i mir denkt, ob er wohl Indianer schbuit, der Doktor? Naa, hob i mir gsogt, der wos an Humor hod, der den Elmitest ned besteht, konn aa koan Indianer sein. Oisi hob ii den Text glesen, von Elch. Doo schreibms, das boid a Festival ins Haus steht, in Stuttgart. Do steht, döös in 97 dös scho amol open-ääär schtattgfundn hod, vom SWR. Do steht, dass döös an Riesenerfolg war. Damals.

Und jetzt woas ii scho was dös für Federn sind: Fremde, sinds. Mit dene er und sei SWR sich schmückt, ned?? Derweil döös a damals simmnaneinzge koan SWR gebm hot, sondern an SWF und an SDR, und ois döös, wos in Stuttgarf glaufn is, SDR ghoassn hod. Und derweil die Mocher gaar nicht mehr bei SWR3 sann, bis auf an Hoitmann, ned? Und mit an solchadn Federnbusch schmückt er sich der Herr gschdudierte Dokter.

Mei liaba, denk i mir, doo gehst doch noamol ins Forum, und soog dass ii scho weiss, warum ii zu dene 25% g’hear, die den Dummpfunk nimmer hörn. Wenn sich solchade Schbezln, scho Elchtests ausdengng, wo an Elmi jeden Schwuln auf die Wortwaage legngn muass, dann is döös a wenig oogmessn, sich an ganzn fremdn Indianerschmuck aufs Haupt zu setzn, ned? Ja wo samma denn, cefix?

Oba seis drum: Leggts mi hoid am Oorsch, ganz eimpfach kreizweise!

Alois, grantig wias Viich!





Antworten:



[ SWF3 - Elmar Hörig - Rockland ]